Check out this wonderful cover: http://www.youtube.com/watch?v=EZlvNZim8YA&feature=player_embedded#!

Oh, A'm a Dundee weaver
An A come fae bonnie Dundee
I met a Glesca fellae
An he gaed courtin me
He tuik me out a-walkin
Doun by the Kelvin Haa
An thair the dirty wee rascal stole
Ma thingumijig awa
An thair the dirty wee rascal stole
Ma thingumijig awa

He tuik me oot a-walkin
Doun by the Roukin Glen
He showed tae me a bonnie wee bird
An he showed me a bonnie wee hen
He showed tae me the bonnie wee birds
Fae a linnet tae a craw
An he showed tae me the bird that stole
Ma thingumijig awa
An he showed tae me the bird that stole
Ma thingumijig awa

Noo A'll ging back tae Dundee luikin
Bonnie, young an fair
A'll pit oan ma buckle an shune
An tie back ma bonnie broun hair
A'll pit oan ma corsets tight
Tae mak ma middle luik smaa
An wha wad ken fae ma rosie cheeks
That ma thingumijig's awa?
An wha wad ken fae ma rosie cheeks
That ma thingumijig's awa?

Come aa ye Dundee weavers an
Tak this advise fae me
Never let a fellae
An inch abune yer knee
Never staun at the back o a close
Or up agin a waa
For if ye dae ye can safely say
Yer thingumijig's awa
For if ye dae ye can safely say
Yer thingumijig's awa