Complaint to His Purse Geoffrey Chaucer (taken from the Norton Anthology of English Literature) To you, my purs, and to noon other wight, Complaine I, for ye be my lady dere. I am so sory, now that ye be light, For certes, but if ye make me hevy cheere, Me were as lief be laid upon my beere; For which unto youre mercy thus I crye: Beeth hevy again, or elles moot I die.
Now vouceth sauf this day er it be night That I of you the blisful soun may heere, Or see youre colour, lik the sonne bright. That of yelownesse hadde never peere. Ye be my life, ye be myn hertes steere, Queen of confort and of good compaignye: Beeth hevy again, or elles moot I die.
Ye purs, that been to me my lives light And saviour, as in this world down here, Out of this towne helpe me thurgh you might, Sith that ye wol nat be my tresorere; For I am shave as neigh as any frere. But yit I praye unto youre curteisye: Beeth hevy again, or elles moot I die.
Joie D · Mon Oct 10, 2005 @ 01:30am · 0 Comments |